رامز : اومال انتى لزمتك اية لما كل حاجة انا اللى هجيبها.
انفعلت بطفولة :ما انت مش بتشرح كويس...و..
قاطع كلامها فى لحظة.
رامز : وبحبك.
صمتت ونظرت له فأكمل هو : بس لازم أعترفلك بحاجة قبل اى حاجة تحصل.
نظرت له لتحثه على الاكمال.
رامز :انا بشتغل ظابط.
نظرت له دقيقتين وانفجرت فى الضحك.
رامز بأستغراب :بتضحكى على اية هو انا قلت نكته؟!!
روح وهى مستمرة فى الضحك :أصلك شكل المذاكرة قصرت على دماغك....اصحي يا بابا وفوق انا فى ثانوية عامة وانت شغال جناينى هنا.
لم يرد عليها وظل محدق بها حتى انتهت كاملاً من ضحكها.
نظرت له بهدوء: مالك بتبصلى كدة لية؟
رامز: مستنيكي تبطلى ضحك يا روح.
روح :اية يا رامز مالك ...قفشت كدة لية ما انت كنت بتضحك من شوية.
رامز بجدية :انا مكنتش بهزر يا روح انا بتكلم بجد.
روح بخجل :يعنى انت بتحبنى بجد؟؟
كتم ضحكته بصعوبة وتشدق : وبالنسبة لأنى بشتغل ظابط دى اية؟!
نظرت له وكأنة أبله،بل وكأن له مئة رأس وانه غير طبيعي بالمرة.
روح بتشتت: يعنى انت رامز ولا مش رامز ومين الجناينى وهو فى حاجة فى كلية زراعة آسمها كلية شرطة قسم جناين...هو انا روح ولا مش روح ولا انت مين.
رامز :يانهار اسود دة الشريط سف....روح يا حبيبتى انتى روح واختك خجل وانا رامز وبحبك.
روح :ماشي انا فاهمة لغاية هنا.
رامز : تمام مش انا كنت شغال جناينى هنا.
روح :ايوة دة صح.
رامز :الحقيقة انى مش جناينى....انا شغال ظابط وانا كنت هنا فى مأمورية سرية وانتى اول واحدة تعرف كدة ...ارجوكى حاولى تفهمينى.
روح : رامز قولى انك مبتكدبش عليا....قولى انى وثقت فيك وكنت بحكيلك على كل حاجة...قولى انك جناينى مش ظابط.
اقترب منها وقبل جبينها بحنو واكمل: انا بس كان دورى انى أكشف اللى الشيطان بيعمله فى بيته.
روح :طب ولية جيت قولتلى انا دلوقتى.
رامز :عشان مينفعش أبدا حياتى معاكى على غش....كان لازم اليوم اللى اعترفلك بيه بحبي ليكى اعترفلك بسري دة.
نظرت له وحركت رأسها بنفي : رامز...خلينى أفكر...سيبلى فرصة أفكر وارجوك يا رامز أرجوك بلاش تيجي مرة وتسئلنى على رائيي انا لما أفكر هرد عليك....بعد آذنك.
تركته وصعدت الى غرفتها وتركت قلبة يتمنى رضائها علية وتفهمها له.
ــــــــــــــــــــــــــــــــــــــــــــــــــــــــــــــ
خجل بهمس :أنا حامل.
نظر لها بهدوء ومن ثم قال.
الشيطان بسخرية : انا عقيم مبخلفش.
القي القنبلة وخرج.
وظلت تنظر الى آثرة بتعجب كاد يصيبها بشلل...اتبعته فعلمت بصعودة الى غرفتهم صعدت خلفه بسرعة.
دخلت كالاعصار.
خجل :يعنى اية مبتخلفش يعنى اية عقيم؟
الشيطان بسخرية :اية مخدتهاش فى الاحياء ولا اية؟!
خجل :بطل تتريق عليا...اية البرود دة.
الشيطان :لو كلامك خلص اطفى النور عشان انام.
خجل : طب واللى فى بطنى...دة ابن مين؟
الشيطان بهدوءة المعتاد :ودة اللى انا عاوز أعرفة منك عشان مخلصش عليكى فى لحظة.
خجل :طب ودنيا.
الشيطان :مالها دنيا.
خجل :بنت مين دى؟
الشيطان :دنيا بنتى.
خجل :بنتك ازاى...انت مش بتقول عقيم،عقيم ازاى وهى بنتك...يعنى جبتها وبعدها حصلتلك حدثة خلتك عقيم؟
الشيطان :مش لازم تعرفى كل حاجة...بس اللى لازم تعرفية ان دنيا بنتى وانى عقيم مبخلفش....روحى بقي انتى شوفى دة يبقي ابن مين .....ثم اتبع بأستهزاء.....يا..ياخجل
عقدت حاجبيها بأستغراب وتعجب ونظرت لجميع أركان الحجرة ومن ثم سقطت مغشي عليها.
ــــــــــــــــــــــــــــــــــــــــــــــــــــــــــــ
تتوالى الايام والصمت حليف الاختان.....خجل صامته فى جميع حالاتها حتى مع دنيا لم تتكلم او تلعب معها كثيرا كقبل.
روح تلهى نفسها بمذاكرتها وتحاول الا تفكر به....قلبها يصدقة وبشدة وعقلها يرفض ذلك ويسبه ...وهى كما هى مشاعر مضطربة وحزن مسيطر عليها.
رقية ترى ورودها تذبل...بعد ان حصلت على بناتها اصبح كل واحدة منهم لها صمت حليف لها...متقوقعن على نفسهم وبشدة .
جلست رقية فى يوم وجمعت الاثنان أمامها.
رقية بصرامة : دلوقتى حالا انا عاوزة اعرف فيكم اية انتوا الاتنين.
نظروا لانفسهم بأستغراب ونظروا لها مرة أخرى وصمتوا.
رقية :اه طيب...طلاما سكتوا كدة تبقي خجل متخانقة مع الشيطان جامد....طب وروح.
لحظات والاثنان انفجروا فى بكاء مرير فضمتهم لأحضانها.
روح :ماما انا تعبانه اوى....انا كنت ماشية صح بس مش عارفة انا لية حظى ديما وحش كدة.
رقية :يا روح ماما دة انتى مفيش فى حظك اتنين...يمكن ربنا عمل كدة عشان هو لية رسالة من كدة.
خجل ببكاء :بس يا ماما فى حاجات الانسان ميتحملهاش.
رقية :مين فيكو الغلطان...انتى ولا هو.
خجل : مش عارفة احدد...مش عارفة افكر فى اى حاجة.
رقية :طب انتى عملتى اللى قولنا علية؟
خجل :اللى هو اية؟
رقية :اللى هو تعمليلة ازعاج فى اوضتة بما انه بيحب الهدوء وتشوفى ردة فعله.
خجل :عملت كدة ولا اى حاجة قصرت.
قاطع كلامهم دلوفة وبيدة ظرف.
اشار الى خجل ان تتبعة فقامت هى وذهبت خلفه.
دخل مكتبة وكذلك هى.
الشيطان : انتى عارفة ان من واجبك ليا انك تحفظى سري صح؟
حركت رأسها ايجاباً ولم ترد فأكمل هو : انا عرفت عنك حاجات كتير اوى..اوى اوى خلتنى اثق فيكي وعشان كدة انا قررت حاجتين.
نطقت بصوت مبوح :اية هما؟
الشيطان : اول حاجة انى هقولك سر من أسرار حياتى ....وتانى حاجة انى هكشفلك خط ليا.
نظرت له ولم تفهم منه اى شئ.
الشيطان : دنيا بنت أختى...مش بنتى اختى اللى ابوكى ساعد انه يقتلها وانا حابسة فى المخزن وبربية لغاية ما اجيب حق اختى منه.
خجل :طب واية الخط اللى هتكشفه ليا.
تنهد وشرد فى الفراغ :مش لازم تعرفيه دلوقتى...اطلعى اوضتنا عشان عندى معاد مع رامز الجناينى.
حركت رأسها ايجاباً وصعدت بينما فتح هو الظرف الذي بيدة...ليجد ان نتيجة تحليل الوراثة بينه وبين مروان بالايجاب....معنى ذلك ان مروان شقيق له...ولكن لن يستسلم سيتعب حتي يصل الى ما هو يريد.
دخلت الخادمة تستأذن لدخول رامز فوافق الشيطان فدخل الاخر.
جلس رامز امامه بأرتباك مصتنع.
رامز :كان فية موضوع عاوز حضرتك فيه.
الشيطان :خير يا رامز اتكلم.
رامز :انا طالب ايد روح منك.
الشيطان بصراحة : وياترى العملية اللى انت اتكلفت بيها خلصتها ولا لسة يا سيادة المقدم.....
#
#
#
تعليقات
إرسال تعليق