خجل الشيطان 30
رواية خجل الشيطان
بارت 30
The end
وبدون وعى تعلقت فى رقبته وهى سعيدة وبشدة لحظات وبعدت عنه.
روح بكسوف: سورى.
رامز: على اية بس يلا نعيد المشهد من تانى طيب.
روح: لم نفسك بقي.
رامز: طب امتى معاد الفرح بقي.
روح: يوم الخميس اللى بعد الجاى.
رامز بسعادة: يا صلاة العيد يعنى كمان 10 ايام.
روح: بس انا مش هتنازل انك تعملى حنه كبيرة والفرح اكبر كفاية انك كلت عليا الخطوبة ياخويا.
رامز: بس اية البلاعة المسدودة اللى طفحت فى وشى دى.
روح: بهظر معاك يا رامز....طب تعالى بقي عشان نفرح ماما ومسلم وخجل.
رامز: تعالى ياكش يكون مسلم باله رايق عشان ميمسكليش عالوحدة.
خرج معها ووقفوا خلف مسلم وخجل الحاملين اولادهم.
رامز بصوت عالى:انتوا بتعملوا اية؟
فزعت خجل والتفت له مسلم بهدوء.
رامز: بص قبل اى حاجة انا هتجوز روح بعد عشر ايام وكمان تفضيلى نفسك عشان هدخل معاك شركاتك كشريك بالنص .
مسلم: يلا يا بابا روح العب بعيد معندناش بنات للجواز .
روح: اية يا مسلم الله؟
رامز: لا وحياة اغلى حاجة عندك متعملش فيا كدة.
مسلم: انت مش حاى تخضنى وعامل نفسك شبك وخليت المدام وشها اصفر يبقي تستحمل بقي.
رامز: ياكش يدوسنى عيل بعجله متزعل منى دة انا حبيبك يا ابو نسب.
مسلم موجه كلامه لروح: عجبك اية فية دة؟
روح: على قلبى زى العسل.
مسلم: صحيح حله ولقت غطاها...ومين بقي ان شاء الله اللى اتفق معاك على معاد الفرح دة؟
رامز: انا وروح اتفقنا.
مسلم: وانا مش موافق...انتى تيجي تشرفنا بليل ونحدد معاد سوا.
نظروا له الثلاثه( خجل وروح ورامز) غير مصدقين وتشدقوا :نعم.
مسلم: نعم الله عليكوا....انهردا الساعه 8 ونص مستنيك لو جيت 8 ونص وخمسه مش هدخلك القصر من اصلوا ولو جيت 8 ونص الا خمسه برضو مش هتدخل وابقى فكرنى نتكلم فى موضع الشريك دة......ثم أخذ خجل وسار ببرود كاد ان يجلب لرامز شلل رباعى نصفى ( الاتنين مع بعض اعرفشي ازاى😂😂).
ـــــــــــــــــــــــــــــــــــــــــــــــــــــــــــــــــــ
جاء المساء ورامز ظهر بشياكته الاخاذة وبدلتة الانيقه وذهب امام باب القصر من الساعه 8 ....رأته احدي الخادمات فذهبت له.
الخادمه: استاذ رامز حضرتك واقف كدة لية؟
رامز: مستنى الساعه تيجي 8 ونص.
الخادمه: طب اتفضل حضرتك ادخل دى لسة الساعه 8 وعشرة.
رامز: لا معلش لحسن يلغى الجوازة انا هفضل واقف لغاية ما تيجي 8 ونص.
الخادمه: طب تحب اجيب لحضرتك حاجة تشربها؟
صدح من خلفها صوت الشيطان: مين اللى جه على الباب يا ساميه.
نطق لها رامز بصوت خفيض: قوليلوا بتاع الانابيب.
الخادمه بصوت مماثل: بس احنا معندناش انابيب هنا فى غاز طبيعي.
رامز: طب قولى اى حاجة هتفضح.
الخادمه للشيطان: دة عم عبدة الزبال بيسئل اذا كان فيه زبالة ولالا.
الشيطان بخبث: طب قوليلوا ان مفيش وان الشهرية بتاعته هتوصلوا اخر الشهر.
نظرت الخادمه لرامز : سمعت قال اية؟
رامز: وانتى من قله الكلام تقوليلوا زبال...بقي بشكلى دة انا زباااال.
الخادمه: معلشي يا بيه هو دة اللى جه على بالى...استأذنك انا بقي.
ودخلت واغلقت الباب فى وجهة.
جلس على اول درجة من درجات السلم ووضع يدة على وجنته وتشدق ببأس: انت محدش بيعملك حساب.
ظل جالسا حتى دقت الساعه 8 والنصف دق الجرس ففتح له الشيطان فى نفس اللحظة.
الشيطان بإبتسامه: لا ومواعيدك مظبوطة كمان.
رامز وهو يعض لسانه من الغيظ: شوفت اهو ادينى مظبوط جوزنى بقي.
الشيطان: اتفضل ادخل يا رامز يا ابنى نتفق جوة مينفعش نتفق واحنا واقفين كدة.
دخل رامز وجلس وجلس امامه الشيطان ودنيا ورقية وخجل ومعهم الثلاث اطفال.
رامز فى سرة: اية الجيش اللى قعد قدامى دة؟
مسلم: بتقول حاجة؟!
رامز: لا لا ابدا دة انا بقول انى اتشرف انى اطلب ايد الانسه روح على سنة الله ورسولة وانا عاوزها بشنطة هدومها واللهى هى كفاية عليا دة طبعا بعد آذنك انت واختها ومامتها والرباعى المحترم دول.
دنيا: يكرم اصلك يا اونكل رامز.
الشيطان: واللهى انا مش معترض...انتوا اية رائيكم.
وافقوا جميعا فتشدق الشيطان: نادى روح يا رقيه.
قامت رقية وجلبت روح الخجولة.
الشيطان: ها ياست اديه جه واتقدملك ومحرمتكيش من حاجة اهو...قوليلى بقي موافقه ولا مش موافقه.
روح: اللى تشوفه بس انا موافقه.
ضحكوا وتشدق الشيطان: نقرى الفاتحه بقي.
ارتفعت جميع الايادى حتى دنيا..والتى حاولت ان ترفع ايدي الصغار ولكن لم تستطع قرئوا جميعهم الفاتحه.
رامز: صدق الله العظيم.
الشيطان: هنعمل فرح كبير جدا بأذن الله هخلى الناس كلهت تتكلم عن جماله وهيكون بمقام الحنه والخطوبة والفرح سوا وهيكون الخميس الجاى يعنى بعد 3 ايام وحضرتك هتقعد معايا هنا فى القصر عشان مش عاوزهم يبعدوا عن بعض.
قفز رامز وجرى عليه وظل يقبله : شالله يباركلك فى عيالك ويفرحك بيهم يارب
الشيطان: بس بطل تشحت خلاص...اية بقي موضوع ان حضرتك عاوز تشاركنى دة؟
رامز: العروسة كانت هترفض الجواز لو انا كنت فضلت مكمل فى شغلى وانا قلت هسيبه واشاركك فى شركتك.
الشيطان: ولية متعملش لنفسك مشروع صغير وتبدأ بيه وتكبر.
رامز: مش هعرف اعمل كدة....بالذات كمان ان الايام دى اللى فى السوق حيتان يعنى انا اصلا مش هبان من وسطهم.
الشيطان: بص بما انك كنت ظابط فأنا بقترح انك تكون مدير الامن بتاعى الشخصي بمعنى ايدي اليمين فى كل حاجة يعنى مش هتحرك فى اى مكان من غيرك وان حماية بيتي تحت ايدك انت.....ولما هتكون معايا فى كل حته انت هتشوف الشغل ماشي ازاى،
وفى الوقت دة هنكون بنبنى شركة هتاخد اسمك واسمى جمبها
وبالتالى هتلاقى نفسك عديت سلالم كتير من غير تعب
وهكون انا اول عميل معاك ودى حاجة هتخليك تكبر اسمك بسرعة.
رامز: بجد انا مكنتش متوقع منك كدة....مش معقولة تساعدنى كل دة وانت اصلا لو تطول تخنقنى هتعملها.
ابتسم الشيطان: لا دة عشان انا عارف انى بكلم راجل ولازم امسك ايده واساعده عشان يبدا زى ما انا برضو فى ناس مسكت ايدي وبدات.
روح: قد اية انت قلبك كريم كراميل.
الشيطان: قوم اتكل على الله يا ابنى قبل الجوازة ما تبوظ وبعد كدة تبقي تقفل بوقها قبل الكلام.
ـــــــــــــــــــــــــــــــــــــــــــــــــــــــــــــــــــ
الفرح...تيرارااااااااااااااا
ارتدت فستان زفافها الابيض بمساعدة اختها وامها وتضع اللمسات التجميلية بمساعدة عاملات والتجميل.
تنظر لها خجل بفرحة اخوية كبيرة: انا فرحانه عشانك اوى يا روح.
قامت من مكانها وذهبت اليها واحتضنتها بحب شديد.
روح: ربنا يخليكى ليا يا خجل يا امى واختى وصحبتى وكل حاجة فى عمرى.
رقية: وانا اية مليش فى الطيب نصيب ولا اية؟
احتضنوها ساوياً وضحكوا معاً.
عاملة التجميل : يلا يا عروسة يلا خلينا نلحق نخلص.
روح: حاضر حاضر ادينى قعدت يلا كملى.
رقية: وانتى يا خجل يلا روحى البسي انتى كمان واستغلى ان الاولاد مع المربية.
خجل: حاضر هاروح البس على طول وهاجى.
ــــــــــــــــــــــــــــــــــــــــــــــــــــــــــــــ
ذهبت الى غرفتهم وما انا فتحتها حتى تحدث هو.
الشيطان: دة انا فكرتك هتنزلى الفرح بلبس البيت.
خجل: لا طبعا بس مينفعش اسيب روح لوحدها.
الشيطان: طب يلا البسي انا جايبلك فستان على زوقى وموجود على السرير ومعاه كل حاجة هتحتاجيها وانا هخلى الميكب ارتسيت تجيلك هنا.
خجل: تسلملى يا مسلم.
اقترب منها وقبل رأسها: ربنا يحميكى ليا....يلا البسي وقدامك نص ساعة ومتنسيش حجابك وانا هاروح اشوف الاستاذ رامز فين وبعد كدة هاخد روح عشان اسلمهالوا واجيلك يا قمر.
ـــــــــــــــــــــــــــــــــــــــــــــــــــــــــــــــــ
ذهب الى الغرفة الذي من المفترض ان يكون بها رامز فتح ووجد حالة عارمة من الفوضي ووجد الملابس هناك وهناك وآخرى تطير فى سقف الغرفة.
الشيطان: اية يا رامز كل اللى انت عاملوا دة؟
رامز بلهفه: كويس انك جيت قولى البس بيبيون ولا كرافت ولاملبسش اصلا...قولى البس شراب اسود ولا كحلى....الحلاق عملى شعرى ناحيه اليمين اخليه زى ماهو ولااجيبه ناحية الشمال....الدبووووس دبوس البدلة مش لاقيه كان هنا ومش لاقيه....المنديل بتاع البدلة فين.
الشيطان: بس اخرس اسكت شوية لربنا بقي....المنديل بتاع البدلة انت عمال تشوح بيه فوشي لما هتعمينى....دبوس البدلة طبيعي مش لاقيه لانك حاطه فى البدلة اهو.....سيب شعرك زى ماهو بدل ما تبوظوا...والبس الشراب فردة وفردة ياعم مفيهاش حاجة ...والبس كرافت واخرس بقي.
رامز: انا متوتر كدة لية انا مش عارف؟
الشيطان: وكل الشقلبة اللى عملتها فى الاوضة دى لية بقي؟
رامز: بدور على الجذمة وعلى الدبوس.
الشيطان: الدبوس انت حاطه والجذمة انت لابس فردة والتانيه فى ايدك.
رامز: اومال انا مالى كدة؟
الشيطان: حسبن الله...انا بقول اتغدى وانام بقي.
رامز: لا وحياة ابوك يا شيخ انا حالا هتلاقيني تحت اهو.
ـــــــــــــــــــــــــــــــــــــــــــــــــــــــــــــــــ
واخيرا ذهب الشيطان الى غرفة روح.
طرق الباب مرتين ودخل بعدما آذنت لة.
الشيطان: بسم ال....ينهار ازرق.
روح: اية فى اية؟
الشيطان: اية الفستان دة؟
روح: شوفت جميل ازاى؟!
الشيطان: رامز شافه؟
روح: لا انا هفاجاءة.
الشيطان: ربنا يستر يلا عشان تنزلى.
امسك بيدها وكأنه والدها....اُغلقت الانوار وبدات هى تنزل والاضواء مسلطه عليها فقط.. كان ينتظرها بالاسفل ما ان نظر لها ورائ الفستان وانعدمت الابتسامه من على وجهة وبعد ذلك اجبر نفسه ان يبتسم مرة آخرى لن ينسي موقفه فى صباح الامس عندما كتبوا كتابهم واخبرتة انها ذاهبه لشراء فستان الفرح واشترط هو ان يكون محتشم محتشم طويل واسع وهى وعدتة بذلك...وصلوا عنده وامسك هو يدها وقبل رأسها وهمس فى آذنها دة انا هطلع عينك على الفستان العريان دة.
روح: اضحك عشان بنتصور يا حبيبى.
وبدأت الاغنية.
صاحبة الصون والعفاف...احلى واحدة فى البنات.
ياللى عمرى ماقلبى شاف...زيها فى المخلوقات.
تسمحيلى برقصة هادية....تسمحيلى بقربى منك.
حلم عمرى تكونى راضيه....عن وجودى بس جمبك.
يا خلاصة الجمال يا نشيد العاشقين....
يا اجابة عن سؤال كان شاغلنى من سنين..
كان سؤال عن مين حبيبتى؟ مين هتبقي اساس حكايتى؟
والاجابة كانت انتى... انتى كنتى غايبه فين؟
(جماعة تخيلوا انهم بيرقصوا زى ما كانت سندريلا والامير بيرقصوا)
اثناء الرقصة..
رامز: يارب يكون اللى انا حاسه غلط.
روح: هو اية دة اللى انت حاسه؟
رامز: الفستان دة لية ضهر؟
روح بأبتسامه واسعه: لا يا حبيبى ملوش.
رامز: نهار ابوكى اسود ....ماشي .
ابتعد عنها وخلع الجاكت الخاص ببدلتة والبسها ايه بالاجبار بل واغلق جميع ازراره.
روح: اية اللى انت بتعمله دة؟
رامز: اسكتى خالص.
وللمرة الثانيه تُغلق الانوار وتسلط الاضواء على السلم...
ظهرت العروس الثانيه {خجل} ممسك بيدها الشيطان ويهبطون والسعادة تطل من اعينهم والجميع يسقفون لهم بشدة.
نزل وامسك يدها ولاول مرة يبدا فى الغناء.
الشيطان: انت ياللى خدت قلبى من الزمان ومن اللى فيه.
خدت قلبى لدنيا تانيه احلى من اللى حلمت بيه.
احلى عمر انا عيشته جمبك والحنان عندك كتير.
هو فى كدة زى قلبك لسة فى فالدنيا خير .
عمرى ما انسي انا قبلك كنت فى اية؟
ومعاك بقيت انا اية؟ انا باقى ليك ولحد ما عمرى.
ينتهى هفضل ياحبيبى معاك وهعيش وموت بهواك .
انا ليا مين غيرك حبيب عمرى.
خجل بأبتسامه جميلة: متتصورش انا فرحانه قد اية ازاى كنت محضر لكدة وانا مش عارفة....اجمل مفاجاءة فى الكون يا مسلم.
الشيطان : مقدرش احس ان نفسك فى حاجة ومعملهاش...مش واخده بالك اننا غطينا على العريس والعروسة الاصليين.
ظهر صوت عالى جدا يتشدق.
: صورة...صورة.
ذهبوا جميعهم الى مكان معين ووقفوا بجانب بعضهم رامز وروح ومسلم وخجل وفى وسطهم روح وامامهم جالسة على الارض دنيا وبجانبها الثلاث اطفال
نطق روح: قولوا جمييييييييل.
الجميع : جميييييييييييييل.
The End.
By:Donia Mosaad
تعليقات
إرسال تعليق