رواية خجل الشيطان
بارت 12
فى صباح اليوم التالى جاءهم المحامى وجلس وحوله الشيطان وخجل بأعينها المنتفخة وروح ورقية.
المحامى."بسم الله الرحمن الرحيم.....
لما هتتجمعوا عشان تقروا الوصية دى هيكون فات على موتى أسبوع...روح وخجل ورقية والشيطان انا غلط فى حق كل واحد فيكم وفى الوصية بتاعتى انا هعترف لكل واحد فيكم باللى عملتوا فية.
رقية ....انتى من اول ما عرفت ان ماجد الكوخى طلقك كان لازم أخد النقطة لصالحى...كنت لازم انتقم منه شوية وكنتى انتى اول خيط ليا...انا اللى قفلت كل حاجة فى وشك لغاية ما كنتى هتشحتى وساعتها ظهرت انا الطيب الغلبان اللى هساعدك تشتغلى عندى عشان تعرفى تعيشي....انا اصلا عارف اصلك وفصلك وكل حاجة عنك....انا عارف اختك زى ما انا عارف بالظبط انك قريبة الشيطان....كنت عارف ان بناتك موجودين وكنت بكل الطرق بحاول اخفى عنك ان بناتك لسة عايشين مش زى ما هو كان مفهمك انه اخدهم وماتوا.
روح وخجل ....انا اللى حرمتكم من امكم...هى كانت بتموت كل يوم عشان ترجعكوا ليها تانى بس انا اللى كنت بقف ضد دة....انا كنت بمسك ماجد من أيدة اللى بتوجعة عشان محربوش وارجعكوا لأمكوا...وقصاد دة كان هو بينفذ كل حاجة انا بطلبها منه من غير نقاش....امكوا اللى فهمكوا انها ماتت لا يابنات هى لسة عايشة رقية هى امكوا.
الشيطان..... ربيتك اوى وكنت معتبرك ابنى بالظبط بس مقدرش ابدا انى اخبى عليك انك مش ابنى ولا من صلبى....انت كنت فى ملجأ انا كنت عارف ابوك بس كان عدوى انا اخدتك من الملجأ عشان انتقم منه فيك بس انا مقدرتش انا حبيتك زى ابنى واكتر....هو حطك فى ملجأ من ورا امك وساعتها هى جالها جلطة وماتت من حزنها عليك وهو برضو يا ابنى بعدها سافر على طول ومقدرش يفضل هنا ....اللى عرفتة ان ابوك كان قايل لرقية عليك وعلى مكانك فى ايامه الاخيرة بعد وفاة امك وكمان قبل ما يسافر عشان رقية وممتك كانوا اخوات وكانت ديما بتزورك عشان كدة ضربت عصفورين بحجر وجبتك وجبتها هنا وخليت الملجأ يفهموها انك مت عشان مش تدور عليك......
ولازم اقولك على حاجة مهمة اوى....مش ماجد الكوخى هو اللى موت مراتك الفكرة كانت فكرتى انا بس واللهى كانت فكرة عامة مش لمراتك انت وهو نفذها وهى برضو كانت مش تمام فساعدته انه يتمم المهمة.
حاولت كتير اوى اكفر عن ذنبى معاكوا بأى طريقة معرفتش دعيت ربنا كتير يغفرلى وانتوا كمان ادعولى..رقية انتى دلوقتى معاكى بناتك فى حضنك وابن اختك قدامك كمان خلى بالك منهم كلهم..وسمحينى يا رقية.
روح...انا يمكن متعاملتش معاكى ولا انتى اتعاملتى معايا بس عرفت خفت دمك وروح الحلوة وطالب منك تسمحينى .
خجل ...انا وانتى اتكلمنا فى آخر أيامى وعرفت انك خسارة فى ابوكى لانك طيبة وقلبك ابيض من جواكى اوى....خلى بالك من نفسك ومن دنيا وسامحينى يا بنتى وادعيلى بالرحمة واستحملى الشيطان دة جوا قلب مفيش اطيب منه بس هو اللى دماغة ناشفة واهو يعتبر برضو ابن خالتك.
الشيطان ....طول عمرك واخد الاسم دة عشان تورى الناس كلها قد اية انت جاحد ومفيش حد بيهمك لكن انت العكس.
عشان مطولش عليكوا.....ثروتى بالكامل اتقسمت على روح وخجل ورقية بالتساوى بشرط ان مفيش حاجة تتم بدون موافقة وأشراف الشيطان.
.
.
.
.
.
انهى المحامى القراءة وسط بكاء وتفاجاء روح وخجل ورقية وهدوء الشيطان ثم طوى الورقات ووضعها أمامهم على المنضدة ثم أظهر ورقات أخرى.
المحامى برسمية :دول الورق اللى يثبت تنازل السيد الراجل مدحت لأنسة روح ومدام رقية وخجل...من ضمنهم القصر وباقى الثرايا والشركات وأفرعهم وجميع أمواله.
الشيطان بجدية :في حاجة تانى لسة هتقولها؟
المحامى بأحترام :لا انا كدة قلت كل اللى عندى ..بعد آذنكم.
اومأ له الشيطان وخرج وما ان تحرك حتى ذهب كل من خجل وروح يحتضنوا رقية بأحساس جديد عليهم.
روح ببكاء : ماما انا كان نفسي يكون عندى ماما.
خجل ببكاء : عارفة اخر مرة شوفتك فيها امتى يا أمى؟
رقية ببكاء مثلهن وهى تضمهم بحنان وأمومة صادقة : عارفة..الحمد لله انكم بين ايديا من تانى الحمد لله.
روح :انا عاوزة افضل انام فى حضنك كتير اوى...لحسن انا كنت بفزع خجل بليل عشان انام فى حضنها.
ضحكت رقية ما بين بكاءها :دة انت تؤمرى يا جميلة يا صغننه انتى.
خجل بتذمر : وانا كمان هنام فى حضنك مليش دعوة.
قاطعهم الشيطان : خجل مفيش نوم غير فى أوضتنا من انهردا.
رقية :لية مقلتوش انكم متجوزين من الاول.
خجل بحزن : دى قصة طويلة انا هبقي احكيلك عليها بعدين يا ماما.
الشيطان : رقية مكانك انهردا بقي فى اوضة من اوض القصر وروح اوضتك لسة زى ما هى وخجل اوضتك اوضتنا.
وقفت تواجهة بكل شجاعة :لا يا شيطان انا مش هنام فى اوضتك.
نظر لها بسخرية :ودة لية لسمح الله؟
خجل :انا دخلت البيت دة خدامة عشان دنيا ومفيش حاجة هتتغير عن كدة.
نظر لها نظرات ذات معنى :انتى عارفة كويس اية اللى حصل وغير كدة.
خجل بخجل طفيف : مفيش حاجة حصلت انا هنام مع ماما كام يوم وبعدها هرجع انام مع دنيا تانى.
تعصب وتحرك من مكانه وامسك معصمها بقوة : انا لما اقول كلمة تتنفذ انتى فاهمة.
خجل بتحدى :لا مش فاهمة واللى عندك اعمله يا شيطان.
الشيطان : ماشي لما اشوف هتيجي انهردا الاوضة لوحدك زى الشاطرة ولا لا.
خجل :لا مش هاجى ولعلمك انا مش هدخل الاوضة اصلا .
الشيطان :ازاى انتى مراتى...انتى عبيطة؟
خجل :لو لسة هفضل مراتك...يبقي تعملى فرح والبس فستان ابيض..وكفاية اللى حصل لغاية كدة.
كانو يشتدون فى الحديث وروح ورقية ينظران لهم بدون حديث.
امسك هو يدها بعنف : انتى شكل دماغك عاوزة تتكسر وانا هعرف اكسرهالك ازاى يا خجل.
ابعدت ما بينهم اخيرا رقية.
رقية :خلاص يا شيطان انا هعقلها واخليها تيجي تنام فى اوضتكوا.
الشيطان :ماشي يا رقية لما نشوف...وافتكرى انى عاوزك عشان حاجة مهمة.....ثم نظر لخجل وروح ....وانتوا متنسوش انكوا لسة متعقبتوش على اللبن اللى كان بيدلق دة...دة انتوا هيطلع عنيكوا.
ردت روح :دة فكرة خجل ودنيا انا غلابة مليش دعوة.
نظر لها بقوة :أخرسي.
وضعت يدها على فمها وسكتت والتفت هو وذهب للأعلى لغرفتة تاركاً ايهن.
ــــــــــــــــــــــــــــــــــــــــــــــــــــــــــ
خجل بحزن لرقية :كدة يا ماما تقوليلوا انى هنام فى الاوضة.
رقية بخبث أنثوى :يا بت خليكى ذكية.
خجل بأنتباه :ازاى؟
رقية : نامى فى الاوضة بس ضيقية لغاية ما هو يقولك متناميش معايا تانى.
خجل :اضايقه ازاى؟
رقية وروح بنفس واحد :دة احنا نخططله بقي.
ــــــــــــــــــــــــــــــــــــــــــــــــــــــــــــ
وبعد التخطيط الشرير على الشيطان صعدت رقية له فى المساء الى الغرفة ودقت ودخلت.
الشيطان :رقية انا اية أصلى ومين ابويا ومين امى اظن انتى الوحيدة اللى عارفة؟.
رقية:ممتك مكنتش معروفة فى الوسط...بس والدك معروف أسمه المغوار وانت اكيد تعرفة وعندك أخ ولد بس والدك تعيش انت...واللى اعرفة كمان ان كان ليك ورث كبير بس اخوك الله يسامحة ضيعه كله.
الشيطان بغضب عارم: مروان المغوار اللى قتل مراتى يبقي اخويا....
#
#
#
#
By:Donia Mosaad
تعليقات
إرسال تعليق