خجل الشيطان
بارت 20
رامز : طب ما انا عملت دة يا فندم.
القائد : عملت دة صح...بس المفروض اننا بندور على طرف الخيط دة قريب مننا الاول....ما يمكن قدام عنينا ومش شيفينو لية بقي نتعب نفسنا وندور بعيد اوى كدة.
رامز : انا برضو مش فاهم.
القائد : الشيطان شغال معانا يا حضرة المقدم.
الصاعقه تكاد تفقدة توزانة.
رامز بعدم فهم وتقطع : انا..انا مش فاهم..انا مش قادر افهم.
القائد : بص يا حضرة المقدم...الموضوع وبما فيه ان الشيطان راجل نضيف من كل حته انا عن نفسي مش عارف ازاى بقول شيطان ونضيف بس هو دة اللى لازم انت تعرفة.
رامز :طب والناس اللى بتختفى دى كانت بتروح فين؟
القائد : احنا اللى كنا بنخفيها .
رامز : لا انا مش قادر استوعب...اية اللى حضرتك بتقولة دة؟
القائد : الناس اللى كانت بتتعامل مع الشيطان دى او اللى هما اعداءة كانت ناس كبيرة وعالية ووراهم مصايب خطيرة كان لازم نمسكهم بيها متلبسين....الشيطان عشان العداوة اللى مابينهم كان بيخدهم اى كان فين وكان بيتكلم معاهم....وطبعا كلمه بتجيب كلمه بتجيب اعتراف حتى ولو كان مش كامل..بس كان بيكون كفايا علينا الجزء دة .
رامز : طب وازاى كان بيختفى الشخص دة خالص....ومروان المغوار وماجد الكوخى راحوا فين.
القائد : احنا كان لازم ناخد الناس دى بصانعه لاطفه عشان محدش كان يشك ان الشيطان شغال معانا....كان ديما بيسبلنا مكان معين كدة ندخل ونخرج منه من غير ما اى حد يحس بينا او يشوفنا وفى الاخر كان بيتقال ان الشيطان خفاهم.
رامز : طب والمخزن دخلتوا وخرجتوا منه ازاى؟
القائد : باب جانبى مستخبى ورا الكراتين والبضاعة اللى فى المخزن وكان بعيد عن الجهه اللى كان فيها الحرص..دخلنا وخرجنا وخدنا الاتنين معانا ولا من شاف ولا من درى.
هز رأسه بجزء من الاستيعاب.
القائد : انا عارف ان الصدمات كانت كبيرة عليك...تقدر تروح وتشم نفسك وخطوبتك تتم على الخير وبعدها ترجعلنا تانى عشان نكمل شغلنا....وديما افتكر انك اه يُعتبر كنت فى لعبه بس ربنا ادالك حاجة حلوة تفوز بيها فى الاخر.
رامز بخفوت : تأمر بأى حاجة تانية يا فندم؟!
القائد : لا انا كدة خلصت كلامى تقدر تتفضل.
قام والقي التحيه الرسمية وخرج.
نزل وركب سيارتة ووجد انه يأتيه اتصال من روح..اجاب واجابت هى والاثنان فى نفس اللحظه.
روح بسعادة شديدة : رامز خطوبتنا الاسبوع الجاى يا رامز..الاسبوع الجاى.
رامز بحزن وصوت ضعيف : انا مش هقدر اكمل يا روح.
الاثنان صمتوا وكل شخص يحاول ان يسترجع جملة الاخر.
روح :انت قلت اية يا رامز؟
رامز : انتى نتيجتك طلعت؟
روح :انا اللى بسئلك مترودش عليا بسؤال....انت قلت اية؟
رامز :ملكيش دعوة باللى قلته...انتى عملتى اية فى نتيجتك؟
روح : جبت درجة كلية طب بشري اللى كنت بحلم انى ادخلها طول حياتى ...انا عاوزة انت كنت بتقول اية ومتعصبنيش؟
رامز : قلت انى مش هقدر اكمل ياروح.
روح :ودة انت اكتشتفه من يوم وليلة يا رامز؟!!
رامز : مش من يوم وليلة ...بس اكتشفت انى كنت عايش وهم...واللى اعرفة ان اللى بيتبنى على كدبة بيفضل كدبة طول عمرة.
روح : كدبة اية واكتشفت اية واية الكلام اللى انت بتقولة دة؟
رامز : روح مش قادر اتكلم دلوقتى ممكن نتكلم بليل؟
روح : انت بتهرب من الكلام...رد عليا وقولى اكتشفت اية؟
رامز : عرفت انى مكنتش جناينى وان حتى العملية كانت كلها كدبة كبيرة عشان الشيطان جوز اختك يستريح مش اكتر هو السبب فى اللى احنا فية دة ...عرفت انى كنت عروسة بخيوط والشيطان بيحركها عشان يعمل اللى هو عاوزة .
روح : وانت كدة عادى...يعنى عشان هما عاملوك زى عرايس اللى بخيوط فانت كمان هتعمل فيا كدة؟
رامز : مش بأيدى يا روح.
روح : طيب على العموم انا عاوزة انك واحد حقييير وخسارة انك تشتغل فى الشرطة اصلا ومش عاوزة اشوفك تانى قدامى يا رامز.
اغلقت الهاتف فى وجهه وانهارت فى بكاء حاد وصعدت الى غرفتها وتجاهلت دنيا اللى تسائلت عن ما حدث....تذكرت ان الشيطان أصطحب خجل للذهاب الى الطبيبه...فجلست تبكى وحدها دون احد يخفف عنها.
ــــــــــــــــــــــــــــــــــــــــــــــــــــــــــــــ
الاخر يمشي بجوار زوجته وهو يشعر بشعور لأول مرة فى حياته كلها يشعر به....يسير بجانبها وممسك يدها ويصعدون الى الطبيبه الخاصه بها وصلوا الى المصعد الكهربى فشعرت بتوترة.
ضغطت هى على يدة : مالك انت شكلك متوتر اوى كدة لية؟
الشيطان بتوتر : اصل مش عارف اية اللى المفروض يحصل...انا هدخل معاكل ولا هبقي قاعد برة...طيب هى الدكتور هتتكلم مع النونو وتعرفوا عليناولا هو هيبقي عارفنا؟
خجل :طب اهدى بس اية كل دة؟
الشيطان بكلمات سريعة : طب هى هتقولنا هو نونو ولد ونونو بنوتة طب هى هتقول هو شقي ولا لا طب هى هتقول هيسمع كلامنا ولا لا...انا اول مرة احس الاحساس دة فى حياتى.
وهى الاخرى لاول مرة تقف على اطراف اصابعها وتحيط عنقه وتحتضنه وسرعان ما ضمها هو له.
خجل بخفوت : وانا كمان على فكرة اول مرة ابقي حامل.
الشيطان :يعنى متعرفيش الدكتورة هتقول اية
خجل : لا معرفشي...هى هتطمنا على حالة البيبى ووزنة ونوعة وبس.
الشيطان بحماس : طب يلا احنا وصلنا اهو.
امسك يدها ودلفوا وقفوا امام مساعدة الطبيبه.
الشيطان بسرعة : الكشف المستعجل بكام؟
المساعدة : ب 350 يا فندم. ( طبعا انا معرفش هو كام..دة هبد )
الشيطان : طب والمستعجل جدا.
ابتسمت المساعدة واشتعلت الواقفه بجانبه.
المساعدة : مفيش مستعجل جدا واللهى.
خجل بحدة : احسن برضو...احنا هانروح نقعد وهندفع كشف عادى .
اخذت منه اموال واعطها للفتاه.
خجل بحدة : خدى الفلوس اى والباقى عشانك...قدمنا كام شخص.
الفتاه : اتنين يا فندم.
خجل : خلاص ابقي ناديلنا.
والتفت الى الواقف خلفها وامسكت يدة وذهبوا الى مكان بعيد عن انظار الفتاه وجعلته يجلس بحيث يكون غير مواجه لها.
الشيطان بأبتسامة : احلى غيرة دى ولا اية؟
خجل : غيرة انا اغير؟
الشيطان: ماشي انكر يا جميل براحتك.
خجل : مش ناوى تتكلم معايا بقي عن حياتك؟
الشيطان : وانتى شايفه دة مكان مناسب اننا نتكلم فيه؟
خجل : اه مناسب...احنا قاعدين بعيد عن كل الناس...لانك فى البيت بتتهرب منى ومش بترضي تتكلم معايا.
الشيطان :عاوزة تعرفى اية يا خجل؟
خجل : لية وافقت على البيبى؟
الشيطان : عشان عرفت انى غلطان وانى مضحوك عليا وانهم لعبوا عليا لعبة كبيرة.
خجل : هو انت اسمك الحقيقي اية؟
الشيطان : ومش هتستغربى؟
خجل : لا هستغرب لية؟
الشيطان : أسمي مسلم المغوار.
وجهها تحول الى الوان كثيرة وجاءت لتتحدث فقاطعهم صوت المساعدة.
المساعدة : اتفضلوا دوركم.
قامت ودخلت معه ويكاد برج من أبراج عقلها يطير فى السماء...دخلوا والقوا التحية وبعدما جلسوا.
الطبيبة بأبتسامة مشرقة : مامى المستقبلية اللى جاى المتابعه متأخر.
خجل بأحراج : هو بصراحة كان فيه ظروف كدة فمكنتش عارف انى اتابع من اول الحمل.
الطبيبة: ولا يهمك قوليلى بقي انتى حامل فى الشهر الكام؟
خجل : تقريبا مابين الخامس والسادس.
الطبيبه : تمام اتفضلى قومى معايا عشان اكشف عليكى.
قامت خجل وفردت جسدها على الفراش وبدأت الطبيبه بعملها.
الطبيه بصوت عالى حتى يصل للشيطان : ممكن حضرتك تجيلى هنا.
قام ليذهب لها والاخرى تكاد تتأكل من الخجل.
الطبيبه بأبتسامة: احنا الصحه تمام الحمد لله انتى فى نص الخامس بالظبط والبيبهين صحتهم كويسة بفضل الله.
الشيطان بأنتباه : بيبهين...هما اتنين؟؟!
الطبيبه: ايوة حضرتك...مبروك هيجيلك ولد وبنوتة زى القمر ان شاء الله....تحبوا تسمعوا صوت نبضهم.
حركوا رأسهم ايجاباً لحظات وسمعوا الصون يحيط بهم....كانت هى السعادة تكاد تجعلها فراشة تطير سريعاً وهو ادمعت عيناه من جمال هذا المشهد البديع.
انهت الطبيبه عملها وذهبت لتكتب الاشياء اللازمة.
الطبيبة : حضرتك كويسة وكل حاجة بس محتاحين ناخد الفيتامين دة بأنتظام وهنتقابل تانى بعد 3 اسابيع واتفضلى دى اسطوانة عليها صور البيبى.
خرجوا الاثنان وظلوا بدون كلام حتى وصلوا الى القصر...دخلو فوجودوا دنيا تجرى عليهم.
دنيا بلهفه : خجل الحقى انطى روح فوق بتعيط جامد اوى اوى.
صعدت لها سريعا وخلفها هو دخلت عليها واردفت بخوف.
خجل : مالك يا روح اية اللى حصل يخليكى بتعيطى اوى كدة.
الشيطان : النتيجه معجبتكيش ولا اية؟ دة كل حاجة بتاعة ربنا.
رفعت رأسها وردت عليه بعنف وصوت عالى : انت ملكش دعوة بيا يا حيوان..انت بالذات تسكت خالص انت السبب فى كل اللى حصل
#
#
#
#
#
وكدة انا انجزت جامد اهو..اديكوا عرفتوا اسمه الحقيقي والناس بتختفى فين وادينى مستينة التعليقات اللى على الاسم اللى هتبهرنى😂😂.
By:Donia Mosaad
تعليقات
إرسال تعليق