رواية خجل الشيطان
بارت 23
على غرة جذبها من يديها بشدة وقربها له.
صرخ بصوت عالى كاد يشعرها بأنعدام السمع : انتى ليا ومش لحد غيري واللى يجي جمبك هموتة وهموتك وهموت نفسي وهموت الشيطان كمان انتى فاهمه.
ابعدها عنه وقام ورحل كما جاء.
التفتت خلفها فوجدت الشيطان يأتى من خلفها.
روح بتذمر: شوفت ادينى نفذت اللى انت قلت علية وأدية سابنى ومشي.
الشيطان(مسلم) بهدوء: لو بيحبك بجد هيرجع تانى.
ابتسمت بشر: يعنى هنطلع عينه ونشوف هو بيحبنى ولا لا.
هز رأسه ايجاباً وقطع كلاماتهم صراخ خجل الحاد.
كان هو اول من تحرك من مكانه وبلمح البصر كان امامها وهو يجدها تتألم وبشدة.
الشيطان(مسلم) بخوف: مالك يا حبيبتى اية اللى حصل؟
خجل بتعب :مش قادرة فى مغص هيموتنى.
الشيطان(مسلم) : ازاى دة انتى معاد ولادتك مش دلوقتى.
صرخت بوجع: الحقنى انت لسة بتفكر.
حملها وذهب الى السيارة جرياً وخلفه روح ودنيا المذعورتين.
الشيطان : انتوا الاتنين ادخلوا جوا ومتخرجوش لحد لما اجى.
دنيا بخوف:هنيجى معاك يا بابى.
خجل ببكاء: ادخلى جوا وحياة ابوكى احنا مش رايحين ملاهى.
ادخلها السيارة وركب هو وسار بسرعة عالية...وقلبه يكاد ينخلع من رعبه عليها بكاءها واحياناً صراخها من شدة الوجع لايطمئنه اطلاقا وصل الى المشفى وحملها ودخل بها.
صرخ بهم حتى اتى احد الاطباء الرجال بسرعة.
زمجر الشيطان(مسلم) وتشدق بحدة :عاوز دكتورة.
الطبيب: لسة مجتش صدقنى.
صرخ بحدة :فى ظرف دقيقه ونص لو ملقيتهاش هنا انا هولع فيكوا كلكوا.
جاءة صوت الطبيبه من خلفه: لا لا ملوش لزوم انا وصلت خلاص.
ادخلوها آحدى الغرف ودخلت الطبيبه معها مرت ساعة وهو قلبه يتأكل عليها...خرجت الطبيبه انتفض ووقف.
الشيطان(مسلم) :هى مالها فيها اية؟اية اللى كان بيوجعها كدة؟ طب كانت بتصرخ لية؟ انطقى.
الطبيبه: ماهو حضرتك مش مدينى فرصة أرد واللهى...هى كويسة بخير كل الحكاية انها شربت كوباية قرفة والولاد حبوا يهظروا معاها شوية مش اكتر.
الشيطان(مسلم) بأستغراب: قرفة تعمل كل دة!؟
الطبيبه: واكتر من كدة وهو دة اللى ظهر معانا فى نتيجة تحاليل الدم...بس هى شربت كم قليل لقدر الله لو كانت زودت شوية كان زمنا فى حال غير الحال....من اخطر الحاجات على الحامل القرفة ..حاليا احنا كنا ممكن نفقد طفل من الاطفال لقدر الله لولا انهم اقوياء واستحملوا كان زمنا فقدنا واحد منهم او الاتنين مع بعض او كان ممكن التلاتة كمان.
الشيطان(مسلم) وظل لم يستوعب ما قيل: طب هى كويسة؟
الطبيبه: حاليا هى كويسة..لكن هتفضلوا معانا شوية لغاية ما نطمن اكتر على الام والبيبهات....ومن ضمن التعليمات اللى كتبتها ليها عدم الحركة....مش عاوزة حركة خالص خليها اكبر وقت نايمة على ضهرها عشان ميحصلش اللى حصل تانى.
الشيطان(مسلم) بأستغراب: انتى لية قلتى بيبهات ولية قلتلى تلاتة وهما اصلا توؤام اتنين بس.
الطبيبه بأبتسامه: لا حضرتك هما تلاته مش اتنين ولدين وبنوتة.
توقفت دقاته عن العمل وبعدها عاد مرة اخرى قلبة للخفقان : تلاتة..تلاتة ازاى احنا لما روحنا كشفنا عند دكتورة قالتلنا اتنين بس.
الطبيبة: ممكن يكون حصل خطأ فى التشخيص بس انا بقول لحضرتك انهم تلاتة...ربنا يبارلكلكوا فيهم يارب.
الشيطان(مسلم) :تمام يا دكتورة شكرا.طيب ممكن ادخلها؟!
الطبيبه: أكيد اتفضل...هى فاقت ومستنياك.
تركته وذهبت ودخل هو على المهل رمى نظرة عليها وجمد قلبة حتى يستطيع ان يُكمل ما بداءه ولاينهار فيذهب اليها ويضمها الى صدرة....دخل وجلب آحد الكراسي ووضعها بجانب الفراش وجلس عليها.
الشيطان : حمد الله على سلامتك.
خجل :الله يسلمك ولادى اية حصل لولادى ؟
الشيطان(مسلم): انتى كنتى عارفة ان القرفة بتعمل اجهاض.
خجل بخوف: اجهاض؟
اومأ برأسه وتشدق بهدوء: متخافيش يا خجل وقولى.
خجل : انا مكنتش اعرف انا بس نفسي راحت ليها فطلبت منهم يعملولى وشربتها وبعدها لقيت بطنى وجعتنى اوى.
الشيطان(مسلم) بغضب وصراخ :انتى هتصيعي عليا يا خجل...انتى خريجة صيدلة وعارفة كل حاجة يعنى انا مبكلمش واحدة جاهله.
ارتبكت واصفر وجهها : مسلم صدقنى انا...يعنى....
قاطعها بحزن والم ظهر على وجهه.
الشيطان(مسلم) : خلاص يا خجل متقوليش حاجة لانك لو اتكلمتى هتكدبى وانا مخدتش عليكي كدابة يا خجل.
خجل : طب انت رايح فين؟
الشيطان(مسلم) :ملكيش دعوة...شوية كدة وهجيلك عشان نروح.
خجل :مسلم ممكن تقول للكل ان الاولاد ماتوا.
الشيطان (مسلم)بسخرية: مش فارقة كتير يا خجل...حاضر هنفذلك اللى انتى عوزاه
خرج وانهارت هى فى بكاء حاد.
ــــــــــــــــــــــــــــــــــــــــــــــــــــــــــــ
مرت الايام ومازال البُعد وعدم المواصله بين رامز وروح يؤثر على كلايهما ....هو النيران تكوى قلبه من بعدها..قريب منها وبعيد فى الوقت ذاته ....يبيت ليلاه اسفل شرفتها يتجسس عليها ولكن لايستطيع ان يتحدث معها .....اكثر من مرة كان الشيطان يمسكه متلبساً وهو متسلق آحدى الشجر المقابل لغرفتها وعيونة تكاد تظهر منها القلوب عليها وهو يراها نائمه بعمق على سريرها.
تنهد وفاق من شرودة عندما وجدها تظهر من داخل وهى تتهادى فى خطواتها حتى جلست امام حمام السباحة وشردت فيما لا نهاية .
ظهر رامز امامهاا من عدم.
رامز بصراخ مازح: قلبى يارب.
شهقت بخوف : اية دة انت بتعمل اية هنا؟
رامز: جاى اشوف قلبى.
ردت بسخرية: ودة فين دة؟
رامز: وحشتينى يا روح.
روح: رامز مش عاوزة اتكلم....اظن ان اللى بينا انتهى.
رامز: لا منتهاش بحبك ومحبتش غيرك.
روح : رامز روح شوف شغلك.
رامز بمزاح: سيبك منى انا وخلينا فيكى....مين كبرت وهاتروح كلية الطب كمان اسبوع وتبقى دكتورة ناااو؟!
روح بسماجة ورد سريع تلقائى : أمك.
تغيرت ملامح وجهه الى الاشمئزاز: امك....بقى فى واحدة رقيقة زيك تقولى انا كدة تقول للمقدم رامز امك....دة فى غيرك بيتمنوا نظرة.
روح بغيظ: طب روحلهم هما بقي.
رامز: اروحلهم طب تعالى بقي.
احاط عنقها بيده وقفز بها فى حمام السباحة وهما يتراشقها بالمياة كأول مرة عندما تقابلوا.
ــــــــــــــــــــــــــــــــــــــــــــــــــــــــــــ
مرت الايام وبينهم الكلام حاد...كلما ينظر لها يتذكر ما فعلته وكلما تنظر هى له تنظر بمنتهى الاسف.
دخل الغرفة وجدها مستلقية على الفراش ما ان نظرت له حتى اعتدلت فى نومتها بلهفه.
الشيطان(مسلم) بهدوء: نامى تانى انا جاى آخد حاجة وماشي.
خجل :مسلم صدقنى انت مش فاهم حاجة.
الشيطان: فعلا طلعت مش فاهم حاجة....انتى عملتى كدة لية؟
خجل : انا خايفه عليك اوى مش لازم تعرف.
الشيطان بغضب: مش واثقة فيا لية؟ بطنك اللى بقت قدامك دى انا اللى ابقي ابوهم ..وبعد كل دة لما تواجهى مشكله مش قادرة تقوليلى وتثقى فيا.
خجل بصراخ: مش عاوزة اتكلم يا مسلم مش عاوزة اتكلم.
الشيطان: ماشي يا يخجل تمام متتكلميش....عموما بعد ما تقومى بالسلامة يبقي نطلق كل واحد فينا يروح فى حالة .
هزت رأسها برفض هستيري: لا مش هقدر ابعد عنك ولا عن ولادى...بس هما هددونى ....هددونى بيك يا مسلم وانا مقدرش اعيش من غيرك.
وهنا كانت الصاعقه وكانت النهاية ياحلوين😂😂
#
#
#
#
By:Donia Mosaad
تعليقات
إرسال تعليق