رواية خجل الشيطان
بارت 29
كانت تتكلم وهى تدفع نحو باب الغرفة وفتحته واخرجته واغلقت الباب وتنفست الصعداء...ما ان جاءت حتى تلتفت وجدته يقف امامها ويسد عليها طريق المرور ووضع يده على الباب خلفها.
روح: اية؟
رامز: اية انتى؟
روح: واقف كدة لية زى الحيطه ما تروح تقعد.
رامز: عجبتنى الوقفه مرة واحدة كدة.
روح: وبعدين مين دى اللى ام حصبالله ها مين؟
امسك شعرها بتهديد مصتنع: بقي جيبالى واحد عشان يغظنى هااااا.
عبثت بطفولية: ما انت كمان كدبت عليا واتفقت مع مسلم عشان تعمل كدة.
رامز: عشان سيادتك كنتى حاطة فردة شراب معفن فى مخك ومكنتيش عاوزة تقتنعى انى بحبك ومقدرش استغنى عنك.
روح: الشيطان هو اللى قالك صح؟
رامز: بصراحه اه....هو اللى كلمنى قبل ما تيجوا على طول وقالى انك هتعملى فيا المقلب دة فقلت احذر نفسي بقي.
روح: طب انا المفروض دلوقتى ازعل منك ولا افرح.
رامز: المفروض نحدد معاد فرحنا بقي.
روح:اه ونحدده وبعدها تضحك عليا كل مرة وتقعد تعمل فيا مقالب صح؟
رامز بحنق: مش كنت هموت وارجعلك ولفيت على كل الناس وكله ساعدنى الا انتى....بومة بالظبط بومة.
ضربتة فى كتفه فتألم فتحول وجهها الى اربعين لون وبفزع وضعت يدها على مكان الامه.
روح بلهفه:اية وجعك اية اللى حصل انطق قول.
رامز:يا بنتى بس بقي ارحمينى اية تعبت شوية.
روح: انت متصاب بجد؟
رامز: اه اصابه صغيرة....عادى يعنى.
روح: لا مش عادى انت مش عارف انا بخاف عليك ازاى.
رامز: يا حبيبتى انتى هتتجوزى ظابط شرطة مش نجار يعنى تاخدى على كدة وانى كل يوم ممكن ارجعلك بحاجة ناقصه فيا...ايد رجل ودن رصاصه هنا رصاصه هنا كدة يعنى حاجات على خفيف.
نظرت له لثوانى وانفجرت فى بكاء عنيف.
ضمها اليه ضمها ضمها ضمها ضمها(واخدين بالكم انتوا😂😂)
رامز بحنو وكٱنها ابنته: اية بس مالك كدة؟ وبعدين اعمل اية يعنى دى ظروف شغل يا حبيبتى.
روح: طب ما تسيبو.
رامز برفعه حاجبة: اسيب شغلى يا روح؟
روح وهى تربت على صدرها: اه وحياتى عندك خلينا نعيش واحنا مطمنين.
رامز:ونعيش منين يا روح؟
روح: من اى حاجة....انا عندى استعداد اننا نجيب شقه اوضه وصالة ونعيش فيها وناكل اقل حاجات بس ابقي مطمنه من وجودك جمبى عارف انت ممكن تشتغل عند الشيطان اشتغل موظف صغير صدقنى انا هرضي بأقل حاجة حتى لو عاوزنى انزل اشتغل واساعدك انا موافقه.
رامز: تشتغلى؟! وحضرتك بقي هتشتغلى ولا تدرسي ولا تعملى شغل البيت ولو ربنا كرمنا بطفل هتعملى اية بقي؟
روح: مش مشكله انا ممكن اجل الدراسة دلوقتى.
رامز بتحذير: اوعى تقولى كدة تانى انتى فاهمه؟ مش معنى انى عاوز نتجوز دلوقتى يبقي اخليكى متكمليش دراستك انتى هتكملى لغاية آخر حاجة حتى لو عاوزة تعملى ماجيستير ودكتوراه وتشتغلى معيدة انا برضو معنديش مانع وهفضل وراكى لغاية ما حلمك يتحقق.
روح: ربنا يخليك ليا يا رامز....بس وحياتى عندك فكر فى الموضوع.
رامز: طب ما انا ممكن اموت وانتى فى حضنى دلوقتى.
روح: بعد الشر حرام عليك بس الاهم انك متموتش وانت فى حضن العدو او الاعداء.
ضحك عليها وقبل رأسها بحب بحب بحب😂😂😂
رامز: طب خلاص هوعدك افكر فى الموضوع دة....بس قوليلى فرحنا امتى بقي؟
روح: خلاص لما ترد عليا انا كمان هرد عليك.
رامز: انتى بتخيريني بينك وبين شغلى.
روح: لا واللهى مش بهددك بس انا مش عاوزة حاجة تأثر على تفكيرك عشان تعرف توزن الامور.
تنهد بتفكير: حاضر يا روح هفكر.
ـــــــــــــــــــــــــــــــــــــــــــــــــــــــــــــــ
مر يومان وعادت خجل الى المنزل مرة أخرى ومعها روح ورامز والشيطان وبالطبع الفريق الرباعى( دنيا ومؤمن ومنذر ومليكه)
خجل: قد اية كان واحشنى البيت اوى يا مسلم.
الشيطان: بيتنا ديما عمار بيكي يا خجل.
رامز: وبعدين ببقي فى مسلسل العشق الممنوع دة.
الشيطان: ما بس يا متصاب انت.
روح:متفكرنيش باللى انتوا عملتوه سوا اسكت.
خجل بأستغراب: عملوا اية يا روح؟
روح: كنا بنلعب مع بعض وغشونى عشان يكسبوا.
الشيطان: يلا يا حبيبتى عشان تطلعى ترتاحى اختك باين كليه الطب آثرت على نفوخها.
خجل: طب هات عيل انت هتفضل شايلهم التلاته كدة.
ردت دنيا الممسكه برقبته( متشعلقه فى رقبته) : وانا كمان نسيتينى يا خجل.
خجل: اتفضل اديك شايل الاربعه هات واحد منهم.
روح: هركليز مش زى واحد خد رصاصه وبيدلع.
الشيطان: هتكفى على وشي دلوقتى وهيجي اجلى منك يا روح اسكتى خالص من فضلك.
خجل: هو انتى قلتى الشيله دى اسمها اية يا دنيا؟
دنيا: اسمها حليب يا لبن يا خجل.
خجل: طب ممكن تنزلى بقي من على ضهر بابا.
الشيطان: سبيها دى آخر صبرى دى.
دنيا: الله يسامحك يا بابتى يلا اطلع بقي اوضة خجل والنونات.
الشيطان: نونات مين؟
دنيا: اخواتى ...مش هو نونو جمعها نونات.
الشيطان :لله الامر يارب لله الامر.
ـــــــــــــــــــــــــــــــــــــــــــــــــــــــــــــــــ
مرت ايام
فى المساء واخيرا وبعد مجهود شاق القت نفسها على الفراش بتعب.
طرق هو باب الغرفة ودخل.
الشيطان: من كام يوم وتعبتى كدة اومال قدام شوية هتعملى اية؟
خجل: دول معملوش حاجة واللهى دول ساكتين خالص....البركة فى دنيا وروح ورامز التلاته عملولى برج كهربا فى نفوخى خلاص.
الشيطان: ورقية فين؟
خجل: ماما تعبت وقالتنا هتروح تقعد فى بيتها القديم شوية لما طلعوا عينها هى كمان.
الشيطان: اطردهوملك من البيت لو تحبى؟
خجل: لا مش تطردهم....بس وحياتى عندك حاول تشوف اية اللى بين رامز وروح وصالحهم على بعض .
الشيطان: انا ظبط الدنيا واللهى ورامز دة دماغة دماغ كلب مش فاهم انا هو بيفكر ازاى؟
خجل: مش عارفة بقي يا شيطان.
فرد نفسها بجانبها وحذبها الى احضانه .
الشيطان: قوليلى بقي جهزتى نفسك لبكرة؟
خجل: ايوة...مش كنت وفرت فلوس السبوع دة وكنا ادينا الفلوس دى للناس المحتاجة .
الشيطان: من غير ما تقولى يا حبيبتى انا دبحت ووزعت اكل على ناس كتير وعلى جوامع وكمان اديت مبالغ صغيرة وشغلت اكتر من صنايعي فى اماكن مضمونة بس كان لازم اعمل السبوع لان دنيا تقريبا عازنة الحضانه بتاعتها كلها.
خجل: فاكر زمان اول ما اتعرفنا يا مسلم.
ابتسم برقة: طبعا فاكر...الفرق بين دلوقتى وزمان مية وتمانين درجة.
خجل: وانهى احسن دلوقتى ولا زمان؟
الشيطان: طب ما تقولى انتى؟
خجل: انا بحبك فى كل حالاتك ( تيرارارارارااااااااا تششششش)
ـــــــــــــــــــــــــــــــــــــــــــــــــــــــــــــــــ
اليوم التالى ترتدى عباءة تجعلها كالملاك الهابط من السماء تحمل طفل وطفله ومسلم يقف بجانبها يحمل الطفل الثالث .
مرت المراسم وبالطبع جيش دنيا جاء ليحتفل معاها بأخواتها واخوتها ولذلك بأنحسبت خجل ومعها مسلم ومعهم الاطفال وذهبوا الى غرفة مختبئه فى القصر وتخبائوا من هذا الجيش.
ورامز جذب يد روح الى احد الغرف ودخل واغلق الباب عليهم.
رامز: انا هسيب الشغل.
صرخت بفرح: بجد قولى انك بتتكلم جد.
رامز: ما انا مقدرش ابعد عنك يا روح.
وبدون وعى تعلقت فى رقبته وهى سعيدة وبشدة لحظات وبعدت عنه.
روح بكسوف: سورى.
رامز: على اية بس يلا نعيد المشهد من تانى طيب.
روح: لم نفسك بقي.
رامز: طب امتى معاد الفرح بقي.
روح: يوم الخميس اللى بعد الجاى.
رامز بسعادة: يا صلاة العيد يعنى كمان 10 ايام.
#
#
#
By:Donia Mosaad
تعليقات
إرسال تعليق