بارت 6
مدحت : بس خلى بالك لو الشيطان شافك هتبقي نهايتك.
خجل :حاضر حضرتك متخفش.
خرجت بحذر سارت حتى اقتربت من الادراج مرة أخرى... وجدت ظله امامها.
الشيطان بجمود :كنتي بتعملى اية في الدور دة؟
ردت بتلعثم :انا انا مكنتش انا بس مش كان.
الشيطان :هو انتى اية حكايتك بالظبط... مفيش كلمه بتطلع صح منك.
خجل بسرعة :لا واللهى انا بس كنت يعنى هنزل اروح لروح اختى.
الشيطان : وهى روح اختك فى الدور دة؟؟!
خجل :لا انا قعدت شوية هنا عشان اهدى شوية من اللى حصل امبارح ولما انزلها متحسش انى فيا حاجة.
الشيطان :هعمل نفسي مصدقك ومش عاوز اشوف وشك دلوقتى قدامى.
جرت من أمامة وتحرك هو وذهب نحو نفس الغرفة.
دخل وجلس امام الراقد.
مدحت : لسة فاكر تشوفنى دلوقتى.... فين دنيا؟
الشيطان بجمود :دنيا تحت... لاخر مرة بديلك فرصة تقولى اللى مخبية عليا.
مدحت :انا مش مخبي حاجة عليك يا ابنى.
صرخ هو بغضب ليس لة مثيل : وانا مش عيل صغير عشان تضحك عليا بكام كلمه من بتوعك عشان اصدقك... كل ما تبصلى بيبقي فى عينك نظرة شفقة.
مدحت :صدقنى يا ابنى كل حاجة تتعرف فى وقتها احسن.
نظر الاخير له بغضب وتوجهة خارج الغرفة واغلق الباب خلفة بعنف.
____________________________________
عند خجل اول ما فعلته توجهت الى المطبخ سئلت آحدى الخادمات.
خجل :لو سمحتى هو فى واحدة هنا أسمها رقية.
اشارت لها الخادمة الى احدى السيدات : هى دى ست رقية.
شكرتها خجل وتوجهت نحوها.
خجل :لو سمحتى.
التفتت لها رقية :نعم يا حبيبتى.
خجل :انا انا خجل اللى جيت امبارح هنا.
رقية بأبتسامة :ايوة انا عرفتك انتى شبهة اختك اوى اللى كانت لسة برة.
خجل :انا عاوزة اعترف لحضرتك على حاجة بس اوعديني مش هتقولى لحضرة الشيطان... أرجوكى.
رقية بقلق :خير يا حبيبتى اية اللى حصل.
خجل بتوتر وأرتباك : انا وانا كنت نازلة لقيت صوت حد عاوز مساعدة.. قربت بحسن نية واللهى العظيم ودخلت اوضة.
شهقت رقية بعنف :دخلتى اوضة مدحت بية.
خجل بخوف :واللهى مكنش قصدي انا كنت عاوزة اساعد اللى بيستغيث دة.
رقية :طب اوعى حضرة الشيطان يعرف لحسن كلنا نروح فى داهية.
خجل :حاضر مش هقولة خالص خالص.. بس حضرتك هو عمو اللى كان فوق كان محتاج مية عشان عاوز ياخد الدوا بتاعة ومحدش طلعلة مية انهردا وهو قالى ان حضرتك بس اللى بتطلعيلة.
رقية :حاضر انا هطلعله مية... احنا نسينا نطلع عشان البهرجة اللى حصلت.
خجل :حصل اية؟
رقية :البيت كله كان مقلوب عليكى انتى ودنيا.
خجل :لية؟
رقية :انا طلعت عشان اصحيكوا فميش لاقيتكوا.
شهقت خجل :احنا كنا نايمين تحت السرير.
ضحكت عليها رقية :ما انا مجتش فى بالى انكوا ممكن تعملوا كدة واتصلت بحضرة الشيطان وقولتلة وهو جه وبهدل الدنيا ولما دنيا نزلتلى وعرفت انكوا نمتوا تحت السرير كلنا فضلنا نضحك عليكوا اوى.
خجل :اتارية كان هيطلع ليزر من عنيه.
رقية بضحك : جتك اية يا خجل.. يلا انا هطلع المية لمدحت بية وانتى خليكى هنا لغاية ما انزلك ونعمل الفطار مع بعض.
خجل :تمام وانا هاروح اشوف روح وهاجى تانى لحضرتك.
خرجوا الاثنان وذهبت كل واحدة فى اتجاهها.
____________________________________
صعدت رقية بالمياة وفى طريقها تقابلت مع الشيطان.
الشيطان بجمود :دنيا فين؟
رقية :فى اوضة السفرة يا حضرة الشيطان ومعاها بنوتة من الخدم والفطار بيتحضر.
الشيطان :ماشي انا هقعد افطر معاهم وياريت تعمليلي تلاتة كوباية لبن عشان الواحد شكلو هيتعب الايام دى كتير.
رقية :حاضر يا حضرة الشيطان... بس انا كنت عاوزة اعتذرلك عن اللى حصل انا مكنش فى بالى انهم يكونوا تحت السرير واللهى.
الشيطان :ماشي.
تركها ونزل وهى تنظر لأثرة بذهول من برودة الدائم مع الجميع.... نفضت رأسها ثم صعدت الى غرفة السيد مدحت.
____________________________________
بينما خجل تحركت الى الخارج.. وجدتهم يتراشقون بالمياة والانسجام بينهم ظاهر للجميع.
روح :بس بقي يا كائن كلب البحر انت.
رامز بعدم تصديق :انا كلب بحر طيب.
امسك رأسها ثم وبعنف جعلها تغطس فى المياة.
صرخت خجل فى خوف : روح.
انتفض الاثنان ونظروا لها.
خجل :انتى بتعملى اية يا روح فى البسين؟... وانت مين انت؟
رامز بمزاح :انا رامز الجناينى واحيانا بنضف البسين فى نفسي.
روح :خجل اللى اسمه الشيطان دة هو اللى وقعنى فى المية وانا مش هسيبه انا هورية النجوم فى عز الضهر... ان... انا.. مممم.. هو قصدى.
وجدتها خجل وجهها تحول الى مائة لون وتنظر خلفها.
نظرت خجل لما تنظر له الاخيرة.. فوجدت الشيطان يقف خلفها وينظر لتلك من فى المياة نظرة ثاقبة.
خجل بهمس لنفسها :يارب ميولعش فينا.
روح لنفسها :دة بيجي على الشتيمة يا ربى.
الشيطان موجهاً كلامه لروح :انتى كتكوت؟
روح بتعجب :نعم!!!
الشيطان :اصلك شكلك مش عارفة تعومى وشبهة الكتكوت المبلول بالظبط.
روح :شكرا يا محترم يا ابن الاصول.
الشيطان موجهاً كلامة لرامز :وانت بتعمل اية مع الكتكوت دة ان شاء الله.
رامز :انا كنت بنقذها وبعدين رجلى اتزحلقت ووقعت.
الشيطان :ماشي هعمل نفسي مصدق بس متخدوش على كدة.... نظر لخجل.... طلعى الكتكوت المبلول دى وشوفى هتغير ولا هتقعد مبلولة وتيجي على اوضة السفرة اللى انتى سايبة دنيا فيها لوحدها.
خجل :لا مش قصدي انا كنت هشوف روح وهاجى على طول.
الشيطان :خجل وروح وابوكوا ماجد الكوخى.
ضحك بسخرية وتركها وذهب.
خجل :اطلعى يا روح اخلصي لحسن هيولع فينا.
روح :طب ممكن تطلعينى انتى عشان كلب البحر دة مش عاوز وعمال يغرقنى.
خجل :لا دى انتى الخبث بيرقص فى عينك... اعتمدى على نفسك واطلعى لوحدك.
تركتها ودخلت لتصرخ روح.
روح :ربنا على الظالم والمفترى والشيطان يارب.
ساعدها رامز اخيرا وصعدت ابدلت ملابسها وذهبت الى غرفة السفرة... وجدت خجل ودنيا جالسين بجانب بعضهم والكرسي الاخير لها... وجدت امام كل شخص منهم كوب لبن ودنيا و خجل جالسين كالمذنبين.
روح :فى اية؟
الشيطان :روحى اقعدى على الكرسي اللى جنب دنيا ومن غير كلام عشان كل واحد يعرف القوانين.
ذهبت وبدون كلام جلست بجانبهم.
الشيطان بجمود : قوانينى مش هتتغير واللى مش بينفذها كلها بيتعاقب عقاب كتير.
١_ النوم على السراير مش عاوز حد يناملى تحت السرير.
٢_ الصحيان الساعة سبعة الصبح والنوم الساعة عشرة بليل.
٣_ اول ما تصحوا زى الشطار هتيجوا تقعدوا هنا كل واحدة فيكم تشرب كوباية اللبن بتاعتها.
٤_ الفطار يتحط كل واحد فيكم ياكل فطارة وميقومش قبل ما يخلصة.
٥_ الفطار يخلص و خجل تاخد دنيا ويروحوا يقعدوا فى اوضة دنيا وروح هتبقي فى اوضة المذاكرة وبس.
٦_ وهنتجمع تانى على الغدا والعشا.
٧_ على العشا كل واحدة فيكم هتشرب كوباية لبن تانية زى بتاعة الصبح.
وكدة القوانين خلصت.
وقفت روح وخبطت بيدها على المنضدة بقوة تفاجاء الجميع بما فيهم هى.
روح بحنق وصوت عالى قليلا : عند امه يا أدهم.
#
#
#
#
#
خلصنا كدة خلاص.
Donia Mosaad
تعليقات
إرسال تعليق