بارت 7
٧_ على العشا كل واحدة فيكم هتشرب كوباية لبن تانية زى بتاعة الصبح.
وكدة القوانين خلصت.
وقفت روح وخبطت بيدها على المنضدة بقوة تفاجاء الجميع بما فيهم هى.
روح بحنق وصوت عالى قليلا : عند امه يا أدهم.
لحظة، انثان، ثلاثة ووجدوه يتحول من الراسي البارد الى المارد الاحمر.
الشيطان بعصبية حادة أفزعتهم :نعم يا روح امك؟
روح فى ارتباك :لا انا مكنش قصدى انا بس كنت بتفرج على الفيلم قبل ما انزل فعشان كدة تلاقية معلق معايا شوية.... ثم ضحكت ضحكة سامجة.
الشيطان :كلامى هيتنفذ من دلوقتى مفهوم والكل هيسمع الكلام.
دنيا :بابا هو مفهوم يا بابى بس ممكن اسئل سؤال.
الشيطان :ها اتفضلى.
دنيا ببراءة :هو اللى مش هيسمع الكلام هتمسكوا السلك عريان زى الكبير اوى.
كتموا خجل وروح ضحكاتهم ولاحظهم هو بينما ظلت تنظر له دنيا وكأنها لم تلقي كارثة منذ لاحظات.
نظر لهم جميعهم بغيظ ثم قام من مكانة وتشدق قبل ان يرحل.
الشيطان :شكل الايام الجاية معاكوا هتبقي صعبه اوى وهنفخكوا كلكوا.
القى كلاماته وذهب من امامهم ومن كانوا يكتمون ضحكاتهم تحول وجههم الى صدمة كبيرة... والاخيرة الصغيرة البريئة اصبحت تنظر له بغباء وعدم فهم.
جاءت لهم الخادمة رقية : يا آنسات حضرة الشيطان بيقول لحضرتكم قدامكم دقيقة ونص ومعاد العشا يخلص وقوانينه تتنفذ... وآمرنى أنزل ليكو كوبايات اللبن دول.
انزلت الثلاث اكواب واقتربت من آذن خجل.
رقية بهمس لها :ست خجل مدحت بية طلب منى انه عاوز يشوفك بيقولك روحيلة بليل بعد ما تتأكدى ان حضرة الشيطان فى اوضتة.
تركتها وذهبت وشردت هى دقائق... يريدها؟ تذهب له؟!... يا الله العون على ما تلاقية.
روح :انتى مش معانا يا خجل.
خجل :لا لا انا معاكوا بس سرحت شوية... كنتوا بتقولوا اية معلش.
روح بصوت خفيض وحذر :اصل دنيا بتقول ان البسين ورانا اهو يعنى ممكن نروح نرمى اللبن فى المجرى بتاعه.
نظرت خجل لدنيا :وافرض بابا شافنا.
دنيا بهمس مماثل :تؤ تؤ بابى طلع دلوقتى وهو شوية صغننه وهيقفل النور بتاع اوضته وهينام على السرير وهو صاحى .
روح :يلا يا دنيا انتى تروحى تفتحى الباب الازاز دة وتشوفى بابا قفل النور ولا لا وخدى معاكى كوباية اللبن ولو لقيتية قفل النور نادينا ونيجي كلنا نرمى اللبن بتاعنا.
اومأت برأسها وقامت من مكانها واخذت كوبها وذهبت كاللص تقدم قدم وتؤخر الاخري.... وصلت اخيرا وفتحت الباب اخرجت جزء صغير من رأسها ونظرت يميناً ويساراً بحذر وخوف شديد.
خرجت ونظرت الى الشرفة الخاصة بوالدها فوجدت الانوار مغلقة.
أشارت لهم بأنتصار فأبتسموا هم وحملوا أكوابهم وذهبوا نحوها امالوا الثلاثة على المجري.
روح : الله الروح الشر.
دنيا :يارب قوينا على الشر.
خجل :ردى استدى جووو.
ثلاثتهم القوا بما فى يدهم من الحليب فى مجرى حمام السباحة.
وفى ثوانى أخرى كانوا تحركوا جرياً من مكانهم وصعد كل منهم الى وجهته.
ذهبت دنيا و خجل الى غرفة دنيا وروح ذهبت الى الغرفة التى خُصصت لها للمذاكرة.
_________________________________
فى غرفة دنيا.
دنيا :خجل هو انتى ممكن تحضري معايا الحفلة اللى الحضانة بتاعتى عملاها.
خجل :هو بابا مش هيحضرها معاكى؟
دنيا بحزن :لا الحفلة دى بتاعة المامات( جمع ماما يعنى ) بس انا الماما بتاعتى مش معايا
خجل :خلاص يا ستى انا هاجى معاكى وهبقي الماما بتاعتك.
دنيا بحماس طفولى مفاجاءة :طيب يبقي انتى تروحى تقولى لبابا على الحفلة.
برقت عيناها ونظرت لها بفزع :لا دنيا متهظريش... قوليلوا انتى.
دنيا :لا انتى اللى تقوليلوا... عشان خاطرى بليز بليز بليييز.
خجل :بس خلاص هاروح اقولة وربنا يستر.
دنيا :طب يلا.
خجل :يلا اية؟
دنيا :روحى قوليلة.
خجل :لا انا هقولة بكرة.
دنيا :لا لا دلوقتى بليز بقي.
خجل :آمرى لله... ربع ساعة لو مجيتش تعالى اطمنى عليا.
لم تفهم دنيا حرف مما قيل وخرجت خجل وتوجهت نحو غرفة روح اولا.
خجل :هعطلك عن المذاكرة.
روح :لا لا تعالى انا عوزاكى بقي حاجة مهمة اصلا.
خجل :قولى يا ستى كلى آذان صاغية.
روح :انتى موجودة هنا بصفتك اية بالظبط.
شردت للحظات : مش لازم تعرفى دلوقتى يا روح... المهم انك تكونى عارفة ان طلباتك مجابة كلها وبفلوس تعبى.
روح :بس عاوزة افهم بدل ما اكون زى الاطرش فى الزفة كدة.
خجل :قولتلك مش لازم تعرفى.. يلا انا خارجة كملى مذاكرتك.
خرجت وذهبت نحو غرفتة طرقت مرتين على الباب فسمح هو بالدخول فدخلت هى.
الشيطان :خير!!
خجل :هو كان فية موضوع دنيا عاوزة حضرتك فية.
الشيطان :هى بعتاكى عشان تاخدى معاد... ما تخلصي دماغى وجعانى.
خجل بأرتباك :هى بتقول ان فى حفلة فى الحضانة وهى عاوزة تحضر وقالتلى اقول لحضرتك دة اذا سمحت يعنى.
الشيطان بعد صمت دقائق :انتى بتصلى؟!
خجل بتعجب :نعم؟؟؟
الشيطان :شوفتك فى مرة بتصلى... هل منتظمة فيها ولا لعب عيال وخلاص.
خجل :لا لا الحمد لله منتظمة فيها.
الشيطان :طيب ابقي علميها لدنيا وخليها تنتظم فيها
خجل :حاضر هعلمها... حضرتك اية رائيك فى اللى قولتهولك من شوية.
الشيطان :امممممم معنديش مانع بلغيها انها هتحضر زى صحابها.
خجل :انا كنت عاوزة ابلغ حضرتك انى كمان هح.....
قاطعها بفظاظة :انتى هتفضلي تتكلمى معايا ولا اية... اخرجى برة يلا وخدى الباب فى ايدك ومش عاوز حد يزعجنى.
خرجت بخجل سيطر عليها من طردة لها.... تذكرت آمر مدحت فتوجهت الية.
فتحت الباب بعدما طرقته ودخلت.
خجل :طنط رقية قالتلى ان حضرتك عاوزنى.
مدحت :تعالى اقعدى يا بنتى.
جلست بجانبة.
مدحت :انتى اسمك اية ثلاثى؟
خجل :اسمى خجل ماجد الكوخى.
ضحك هو عاليا :كنت متاكد ان الشيطان عمرة ما هيعمل حاجة غير وهو متاكد منها اوى.
خجل :مش فاهمة قصد حضرتك.
مدحت :ابوكى والشيطان الد اعداء بعضهم.
خجل :بس بس انا مش ليا ذنب.
مدحت :مش عاوزة تعرفى لية؟
خجل :لو ممكن حضرتك تقول قول.
مدحت : ابوكى كان لية يد ان الشيطان يتحرم من ناس كتير اوى بيحبها.... وكان لية الفضل انه يخلى الشيطان يبقي بالمنظر اللى قدام الكل دة.
خجل :مش فاهمة برضو.
مدحت :مش مهم.. فى الوقت المناسب هو هيفهمك.... بس انا عاوز اطلب منك طلب ممكن.
خجل: اكيد طبعا اتفضل.
مدحت :عاوزك تجيلي هنا كل يوم ولو خمس دقايق بس وقوليلى يا بابا.
خجل :حاضر من عنيا.
وطُرق الباب بقوة وفُتِحَ فى ثوانى.
#
#
#
#
#
وكدة فركش انهردا...
Donia Mosaad
تعليقات
إرسال تعليق